Mwenge wa Uhuru wapongeza Miradi ya Maji Sengerema

Posted on: May 15th, 2019

Kiongozi wa mbio za Mwenge wa Uhuru kitaifa Mzee Mkongea Ally, ameipongeza Miradi ya Maji ambayo ni Upanuzi na ukarabati wa chazo Maji Busisi pamoja na maendelezo ya mradi wa Kisma kirefu Nyamasale.

Akitoa pongezi hizo wakati wa uwekaji wa jiwe la msingi pamoja na kujionea maendelezo ya mradi katika kisma kirefu alisema “Nimefurahishwa sana na jinsi ambavyo Injinia wa Maji pamoja timu nzima ya Halmashauri jinsi ambavyo imejipanga katika kuhakikisha inasimamia vyema miradi hii ya maji”

Pia amezitaka halmashauri zingine kuhakikisha zinazingatia vpimo mbalimbali ili kuhakikisha huduma inapokamilika kuwa msaada kwa jamii na siyo kuwa chanzo cha migogoro.

Mwenge wa uhuru unategemea kukimbizwa katika miradi mbalimbali ya maendeleo katika Halmashauriya Sengerema ambapo utajionea, utaweka na kuzindua pia kujionesha shughuli mbalimbali za kijamii hasa katika Vita dhidi ya Malaria, Elimu juu ya Uchaguzi wa Serikali za Mitaa, Klabu za kupinga Madawa ya Kulevya pamoja na Klabu za kupinga Rushwa.