Ufugaji nyuki ni kati ya kazi za kiuchumi zinazofanywa na watu wa Wilaya ya Sengerema. Kazi ya ufugaji Nyuki hufanywa na watu binafsi, vikundi vya kijamii (CBO’s), taasisi (NGO,s) na taasisi za umma kama vile mashule.
UWEKEZAJI KATIKA SEKTA YA NYUKI
Halmashauri kwa kushirikiana na wadau mbalimbali inaendelea kutoa elimu pamoja na Mbinu mbalimbali katika ufuganyi Nyuki ilikupata mazao yaliyo bora kulingana na Ghali ya Soko la bidhaa asili ndani na nje ya nchi.
Kwa kuzingatia kanuni bora na baadhi ya Miungozo kutoka katika Taasisi mbalimbali Kitengo cha Nyuki kina kabiliwa na changamoto mabambali kama ifuatavyo
Uharibifu wa mazingira: kazi za binadamu hasa uchomaji moto ovyo, ukataji miti ovyo, ufugaji wa mifugo hasa matumizi ya dawa za kuua kupe, na kazi nyinginezo zimechangia katika kupunguza makundi ya nyuki.
Mwamko ndogo wa jamii: bado jamii kubwa haina mwamuko wa kutosha katika sekta hii.
Matatizo ya soko huria: Kila mara imekua ni vigumu kupata takwimu za kutosha kutokana na wafugaji wengi kuuza mazao ya nyuki kwa wanunuzi wanaotoka ndani na nje ya nchi bila ofisi kupata takwimu hizo.
Mkakati wa kuendeleza sekta ya ufugaji wa nyuki.
Mkakati ni Halmashauri kuendelea kushirikiana na sekta mbalimbali ili kuboresha ufugaji nyuki na utunzaji wa mazingira, kuendelea kutoa elimu kwa wananchi juu ya faida za ufugaji nyuki, na kuboresha utendaji wa Kitengo cha Nyuki ikiwa ni pamoja na kuandaa maandiko ya miradi kwa kutafuta uwekezaji zaidi katika sekta hii.
